यस्तो निष्कर्ष निकाल्दै कोटेश्वरबाट बाहिरिए, मुहारमा खुशी देखिएन

राष्टिय समाचार

काठमाडौं । अहिले एमाले विवाद मिलाउन नेताहरूबीच दौडधुप चलिरहँदा माधवकुमार नेपाल निवास कोटेश्वरमा विपक्षी गठबन्धनका नेताहरूबीच छलफल भएको छ ।

आज प्रमुख प्रतिपक्षी दल नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड र एमालेका असन्तुष्ट खेमाको नेतृत्व गरिरहेका माधवकुमार नेपालबीच झण्डै डेढ घण्टा वार्तालाप भएको एक स्रोतले जानकारी दिएको छ ।

लोकतान्त्रिक गठबन्धनलाई बलियो बनाउने र चलाउ सरकारले यसबीचमा गरेका असंवैधानिक, स्वेच्छाचारी निर्णय (मन्त्रिपरिषद् पुनःगठनलगायत) नियुक्तिको प्रतिवाद गर्ने नै छलफल भयो ।

खोप लगाएका नागरिकहरूले दोस्रो खोप कहिले पाउँछन् ? यसको उत्तर सरकारसँग छैन । सरकारको प्राथमिकता अर्कै छ, स्रोतले भन्यो, यसबारे पनि छलफल भयो ।

कोभिड न्यूनीकरणका लागि सरकारको प्रयास फितलो भएकोबारे पनि चर्चा भएको थियो यसबाहेक अरू समसामयिक विषयमा पनि शीर्ष नेताहरूले छलफल गरेको स्रोतको भनाइ छ ।

याे पनि पढ्नुस्

सुदूरपश्चिममा ओली समूहका ७ सांसदलाई निलम्बन गर्ने संसदीय दलको निर्णय

धनगढी । नेकपा एमाले सुदूरपश्चिम प्रदेश संसदीय दलले ७ प्रदेशसभा सदस्यलाई निलम्बन गरेको छ । संसदीय दलको सोमबार बसेको बैठकले ह्वीप उल्लंघन गरेको भन्दै केपी शर्मा ओली पक्षका ७ जनालाई निलम्बन गरेको हो ।

माधवकुमार नेपाल समूहको बहुमत भएको संसदीय दलले मुख्यमन्त्री त्रिलोचन भट्टलाई विश्वासको मत दिन ह्वीप जारी गरेको थियो । तर ओली पक्षका सांसद लिलाधर भट्ट, नेपालु चौधरी, रतन थापा, पठानसिंह बोहरा, ग्याल्बु बोहरा, माया तामाङ र बलदेव रेग्मीले विपक्षमा मत दिएपछि दल नेता प्रकाशबहादुर शाहले स्पष्टीकरण सोधेका थिए ।

यस्तै उनीहरुले संसदीय दलको ह्वीप विपरी सुदूरपश्चिम प्रदेश सरकारको नीति तथा कार्यक्रमको विपक्षमा मतदान गरेका थिए ।

सोमबार बसेको दलको बैठकले उनीहरुमध्ये केहीलाई ७ र केहीलाई १० दिनका लागि निलम्बन गर्ने निर्णय गरेको प्रमुख सचेतक दुर्गा विकले जानकारी दिइन् ।

संसदीय दलको बैठकमा ओली पक्षका प्रदेशसभा सदस्यहरु पनि सहभागी थिए । संसदीय दलको विधान केन्द्रीय कमिटीबाट अनुमोदन नभएकाले निलम्बन गलत भएको ओली पक्षका प्रदेशसभा सदस्य लिलाधर भट्टले बताए ।

याे पनि समाचार 

एमालेको दुवै समूहका नेताहरू आन्तरिक छलफलमा

काठमाडौं । पार्टीमा एकता कायम गर्न सम्वादमा रहेका नेकपा एमालेको दुवै समूहका दोस्रो तहका नेताहरु आन्तरिक छलफलमा जुटेका छन् ।

सोमबार अध्यक्ष केपी शर्मा ओली निकट नेताहरू ईश्वर पोखरेल, विष्णुप्रसाद पौडेल, प्रदीप ज्ञवाली, सुवास नेम्वाङ लगायत नेताहरु बालुवाटारमा छलफलमा जुटेका थिए । पार्टी एकताको अन्तिम गृहकार्यका निम्ति छलफलमा बसेको बालुवाटार निकट स्रोतले जनाएको छ ।

 

वरिष्ठ नेता माधवकुमार नेपाल निकट नेताहरुबीच पनि सोमबार लामै समय छलफल भएको छ । गोकर्ण बिष्टको निवासमा भएको छलफलमा सुरेन्द्र पाण्डे, घनश्याम भुसाल, योगेश भट्टराई, भीम आचार्य लगायत नेताहरू सहभागी थिए ।

एमालेको दुई समूहबीच पछिल्लो समय बाक्लो भेटवार्ता भएको छ, तर सहमति जुटिसकेको छैन । एक नेताका अनुसार सम्वाद भने सकारात्मक बन्दै गएको छ । ‘ठोस सहमति नभएसम्म भन्न सकिन्न । तर सकारात्मक वातावरण बनेको छ’, ती नेताले भने ।

अध्यक्ष ओलीले बनाएको दशौं महाधिवेशन आयोजक कमिटीलाई सर्वोच्च अदालतले मान्यता नदिएपछि छलफल झनै सघन बनेको छ । कर्णालीमा फ्लोर क्रस गर्ने चार सांसदलाई एमालेको नवौं महाधिवेशनबाट निर्वाचित केन्द्रीय कमिटीले मात्रै कारबाही गर्नसक्ने भनी २७ जेठमा सर्वोच्च अदालतले आदेश दिएको थियो ।

त्यसपछि नै प्रदेश १ र वाग्मतीमा एमालेको दुवै समूह एकठाउँ उभिएर नीति तथा कार्यक्रम पारित भएको छ । गण्डकीमा पृथ्वीसुब्बा गुरुङ विश्वासको मत गुमाउँदै मुख्यमन्त्रीबाट पदमुक्त भएपनि एमाले सांसदहरु एक ठाउँ उभिएका थिए । त्यसअघि कर्णाली र सुदूरपश्चिम प्रदेशमा माधव समूहका सांसदहरुले विपक्षीसँग गठबन्धन गरेका थिए ।

‘हेल्लो (कुराकानी) भएको हो, तर त्यस्तो उल्लेख्य केही भएको छैन’, ओली समूहका नेता नेम्वाङले भने ।

एमाले अध्यक्ष ओलीले एकताका लागि राखेको ६ बुँदे प्रस्तावमा नेता नेपालले पनि ६ बुँदे जवाफ फर्काएका छन् । यो प्रस्तावपछि औपचारिक वार्ता भने हुन सकेको छैन ।

ओलीको प्रस्तावमा राखिएको संसद् विघटन विरुद्धको सर्वोच्चमा पेश गरिएको २३ सांसदको हस्ताक्षर फिर्ता लिनुपर्ने विषयमा नेता नेपाल समूह सहमत हुन सकेको छैन । यसबाहेक सम्पूर्ण रुपमा २ जेठ २०७५ अगाडिकै एमालेमा फर्कनुपर्ने नेपाल समूहको अडान छ ।

Leave a Reply

Your email address will not be published. Required fields are marked *

56 − 51 =